كيفية حظر اليوتيوب من راوتر tp link

كيفية حظر اليوتيوب من راوتر tp link


    السلام عليكم ورحمه الله زوار ومتابعين موقع مورا بلوج بما أن معظمنا بيتضايق من أهلنا , واطفالنا بسبب استهلاك النت في اليوتيوب  النهاردة هشرح ليكم ازاي نقدر نحظر اليوتيوب من الراوتر ..

    شرح حظر اليوتيوب من راوتر tp link

    في البداية هنفتح صفحة الراوتر 
    طيب نفترض أننا مش عارفين نجيب صفحة الراوتر !
    متقلقش الموقع دا هيسهل عليك الفكرة !
    بعد ما هنفتح الصفحة هيظهر قدامنا ايبي هناخده كوبي ونفتحه ف صفحة جديدة
    كدة أحنا وصلنا للينك صفحة الراوتر 
    بعد كدة هيظهر قدامنا لوحة التحكم هنكتب اليوزر والباسورد
    بعد ماكتبنا اليوزر والباسورد هيظهر قدامنا لوحة التحكم
    وبعد كدة هنروح عند Access Control ونختار Target
    وبعد كدة نضغط علي Add new
    بعد كدة هنضغط علي اول خيار قدامنا ونختار domain name 
    بعد ما اخترنا هيظهر قدامنا الي ف السكرين الي تحت
    في اول خانة نكتب block site
    في تاني خانة نكتب YouTube
    وبعد كدة نضغط Save
    بعد ما ضغطنا Save هيظهر قدامنا كدة 
    كدة انتهينا من الخطوة الاولي 

    بعد كدة بدل Target هفنتح Host
    ونضغط Add new

    هنكتب ف اول خانة youtube
    وتاني وتالت خانة هنكتب الايبي الخاص بينا ونضغط save
    طب أنا مش عارف الايبي ولا عارف أجيبه .. المفروض أعمل أيه ؟ 

    متقلقش .. الشرح فيه كل حاجة 

    اول حاجة روح start واكتب cmd
    واضغط Enter

    وهنكتب ipconfig ونضغط Enter
    هيظهر قدامنا بيانات كتير , وطبعا احنا مش محتاجين غير حاجة محددة ف مسحت كله وسبتلك الي انت مفروض تاخدهم !
    بعد ما عرفنا الايبي هنضيفه ونضغط Save
    كدة أنتهينا من تاني خطوة 
    بعد كدة هنفتح Access Control ونختار Rule
    ونختار Deny بدل Allow ونعمل Save
    بعد كدة هنضغط علي add new
    ونختار نفس الخيارات الي ف الصورة ونضغط Save
    بعد كدة هتفتح الصفحة دي وهيكون الموقع أتحظر


    لو عايزين نشيل الحظر هنضغط ع المحدد في الصورة , ولو عايزين نرجعه تاني هنرجع الي شلناه ..

    ودا فيديو فيه شرح لـ أزاي هنشيل الحظر ف اي وقت , ونرجعه تاني.


    وكدة انتهينا , في رعاية الله ..
    ولو الشرح أفادك متنساش تحط تعليق تشجيعي.

    إرسال تعليق